main sochta hu...

kabhi kabhi main sochta hu...
ke kyon.. aisa nahi ho jaata?
main saans lu...
aur dum bharke tera... kheench lu -
kaleje mein kahi..
door !!

kabhi kabhi
dil chaahta hai...
k koi aisa bhi to chauraha ho,
jaha...
shakalein to ho sahi... chaahe...
saari hi anjaani si !

magar un sab mein se...
tum...
...aur main,
pehchan lein ek doosre ko,
aur muskura dein !!

fir uske baad...
chaahe din waisa hi chalne lagey,
raat waise hi ho...
taare...
yu hi timtimaayein...

main sochta hu,
raat ki chaadar oddhe...
kuch to hoga mere paas !
jisko main kehdoonga - sapna !!

aur kho jaunga...
khushbu ki tarah,
apni hi saanson mein...

kal subah ka nahi socha...

aaj chaahta hu..
tum milo,
saans bankar...

kisi chauraahe par !!